Cristiano Ronaldo vendosi të largohej nga Juventusi, por ende nuk është vendosur zyrtarisht se ku do të vazhdojë karrierën e tij. Nga dita e djeshme, është përfolur se portugezi është shumë afër kalimit te anglezët e Manchester City. Madje mediat portugeze shkuan deri aty sa e bënë të kryer këtë lëvizje.
Megjithatë duket se në orët e fundit është përmbysur situata dhe e ardhmja e Ronaldos pritet të jetë te Manchester United.
Sipas raportimeve të fundit, thuhet “Djajtë e Kuq” e kanë bindur 36-vjeçarin që të rikthehet në “Old Trafford”, ndërsa thuhet gjithashtu se kanë bërë edhe një ofertë prej 28 milionë eurosh për Juventusin. Gjithçka duket në rrugën e duhur dhe gjithçka pritet të mbyllet shumë shpejt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
