E ardhmja e Erling Haaland vijon ti krijojë shqetësime Borussia Dortmundit . ‘’ Verdhezinjtë ‘’ janë të ndërgjegjshëm se nuk mund ta ndalojnë edhe për shumë kohë largimin e nordikut dhe i kanë paraprirë kësaj situate të hidhur duke deklaruar emrin e zëvëndësuesit të norvegjezit . Flitet për Anthony Martial , situata e të cilit në ‘’ Old Trafford ‘’ është delikate dhe gjermanët kërkojnë të përfitojnë dhe ta kenë pjesë të organikës .
Rikthimi i Cristiano Ronaldos në ‘’ Pallatin e Endërrave ‘’ konceptohet si një goditje shumë e fortë për francezin i cili ka mbetur në prapavijë .
Sipas ‘ Sport1’, gjigandët e Bundesligës nuk duan të humbasin kohë dhe synojnë ta përfshijnë në projektin e të ardhmes 25 vjeçarin sepse mund të garantojë një sasi të konsiderueshme golash që do ti shërbejë Borussia Dortmundit për të sfiduar liderin Bayern Munchen . Fakti i të qënit titullar në sezonet e fundit është zbehur shumë me rikthimin e ‘’ Cr7 ‘’ në ‘’ Pallatin e Endërrave ‘’ , lojtar për të cilin 20 herë kampionët e Premier Leagues ëndërronin se një ditë do ta kishin përsëri pjesë të tyre .
Borussia Dortmundi është një opsion i vlefshëm për ishi-n e Monacos dhe merkatoja e ardhshme besohet se do ti vërë pikën kësaj çështje .
Deri më tani Anthony Martial ka veshur bluzën e ‘’ Djajëve të Kuq ‘’ në 6 ndeshje në të cilat akoma nuk ka shënuar sepse siç dihet protagonizmi i 5 herë fituesit të Topit të Artë forcohet ndeshje pas ndeshje .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
