“Pioli nuk mund të kritikohet”, Cassano: Sezoni i Inerit është dështim, duhet larguar Inzaghi

Ish-futbollisti, Antonio Cassani, nuk i ka kursyer sulmet ndaj trajnerit te Interit, Simone Inzaghi, pas humbjes minimale ndaj Empolit.

Cassano deklaroi se ky sezon i Interit është një dështim dhe akuzon trajnerin Inzaghi si fajtor. Sipas tij, Interi e ka organikën, ndryshe nga Milani, ndërsa shtoi se referuar lojtarëve që kanë, trajneri i Milanit, Stefano Pioli, nuk mund të kritikohet.

Humbja me Empolin ishte e papritur, por edhe zhgënjyese për Interin, Nëse të mungon një identitet preciz, nuk mund të presësh gjithmonë që një individ të të zgjidhë situatën. Për mua, ky sezon i zikaltërve është një dështim. Interi dhe Juventusi kanë organikën më të mirë në kampionat, ndaj zikaltrit nuk mund të justifikohen vetëm me zonën Champions.

Ne flasim për vështirësitë e Piolit, por ai atë organikë ka dhe nuk mund të kritikohet. Ndërsa Inzaghi po, pasi edhe me 10 futbollistë, i kishte shanset të fitonte ndaj Empolit. Menjëherë pas kartonit të kuq, hoqi një sulmues për një mbrojtës, duke tërhequr skuadrën. U zgjua shumë vonë dhe nuk mund të riparonte më dëmet.

Kaloi në një 5-1-3 të çuditshëm dhe të çrregullt. Mendoj se në korrik Interi duhet të gjejë një trajner të ri, pasi Inzaghi nuk më bind aspak.