Pas “shtegtimit” në disa stadiume, nga sezoni i ardhshëm te Kukësi do të kenë shtëpinë e tyre. Stadiumi “Zeqir Ymeri” në qytetin e Kukësit tashmë po shkon drejt rikonstruksionit të plotë dhe ka mbetur vetëm pak për të qenë gati.
Stadiumi i ri pritet të jetë i standardeve europiane dhe verilindorët mund të luajnë aty ndeshjet e Europës. Megjithatë, përveç stadiumit, te Kukësi kanë edhe një projekt tjetër, i cili ka nisur të realizohet. Bëhet fjalë për fusha stërvitore, pranë stadiumit.
Ka qenë vetë klubi i Kukësit, që ditën e sotme ka njoftuar se ka nisur puna për ndërtimin e fushës stërvitore pranë stadiumit “Zeqir Ymeri”.
“Ka nisur puna në ambientet e jashtme të stadiumit për të ndërtuar fushën stërvitore për ekipin. Në ish-kompleksin e lojërave me dore, makineritë e renda kanë nisur nga puna për të pastruar tribunat e vjetra dhe menjëherë do të punohet për të përfunduar fushën stërvitore”, thuhet në njoftimin e Kukësit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
