Mbrojtësi David Luiz i ka surprizuar të gjithë me lëvizjen e fundit. Futbollisti 34-vjeçar ka vendosur të rikthehet në Brazil dhe do të vijojë karrierën te skuadra e Flamengo.
Teksa kishte mbetur pa skuadrën, pasi mbylli kontratën me Arsenalin, Luiz ka vendosur të kalojë te Flamengo. Kuqezinjtë kishin nisur prej ditësh bisedimet me lojtarin dhe tashmë kanë arritur një marrëveshje.
Luiz ka firmosur për 1 vit e gjysmë me Flamengon dhe shpreson që me eksperiencën e tij, të ndihmojë skuadrën në arritjen e objektivave.
Mbrojtësi ka pasur një karrierë të pasur, teksa ka luajtur për skuadra si Benfica, Chelsea, PSG dhe së fundmi Arsenali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
