Vedat Muriqi vazhdon të mos gjejë dot shkëlqimin te skuadra e Lazio, aty ku u transferua një vit më parë nga Fenerbahce.
Sulmuesi i Kosovës, kishte një tjetër mundësi për të treguar veten këtë fundjavë, teksa në mungesë të Immobile, Sarri e hodhi titullar ndaj Bolognas. Megjithatë paraqitja e tij la shumë për të dëshiruar, duke mos arritur pritshmëritë.
Ndonëse drejtori sportiv, Igli Tare shpesh e ka mbrojtur sulmuesi, duke thënë se i duhet ende kohë për të treguar formën e tij më të mirë, “Il Messaggero” raporton se presidenti Claudio Lotito është i zhgënjyer për investimin e bërë, i cili është nga më të shtrenjtët që ai ka bërë në krye të Lazio.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
