U luajtën ditën e sotme 5 ndeshjet e javës së dytë në Kategorinë Superiore për 21-vjeçarë.
Teuta mposhti në shtëpi me rezultatin 2-0 Turbinën. Durrsakët u shfaqën dominues gjatë gjithë lojës, duke marrë fitoren në fund, falë golave të Santiago Selmanit dhe Dejvid Kapllanit.
Fitore ka korrur edhe Dinamo që mposhti minimalisht Laçin, falë golit të Kevin Fetishaj.
Ndërkaq Vllaznia shkatërroi me shifrat 4-0 Kukësin, ndërsa Partizani mposhti me rezultatin e thellë 6-1 Apoloninë. Sfida mes Egnatias dhe Tiranës, u mbyll në barazim pa gola.
Kështu Partizani, Dinamo dhe Vllaznia kryesojnë renditjen pas dy javëve të para, me nga 6 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
