Milani, këmbëngul për Jonathan David

Siç dihet gjatë periudhës së transferimeve një ndër synimet e Stefano Piolit është përforcimi i metrave te fundit.

Italiani shpreson për mbërritjen e një sulmuesi cilësor në ‘’ San Siro ‘’ për ta bërë Milanin më agresiv gjatë sezonit vijues.

Jonathan David është i preferuari i numrit një të stolit, për të cilin drejtuesit e kuqezinjve shpresojnë në reduktimin e vlerës së kartonit nga 60 në 40 milionë euro.

Kontrata me Lillen i përfundon në 30 qershorin e 2025-sës dhe për ‘’ Les Dogues ‘’ kjo verë do të jetë determinante për të mbushur arkat me largimin e golashënuesit.

Për kanadezin edhe Bayern Muncheni ka shfaqur interes në merkatot e fundit, i cili po spikat në sezonin aktual me ish fituesit e Ligue 1, skuadër për të cilën ka kontribuar me 24 gola dhe 6 asiste në 43 sfida.

Objektivi i shtatë herë fituesve të Champions Leagues është dominimi përsëri në Itali dhe kompeticionin më të rëndësishëm europian për klube por për arritjen e tij është e domosdoshme një merkato cilësore.

Niveli i shkëlqyer i Jonathan David demostron se fundi i sezonit do të jetë një periudhë deçzive për të vendosur të ardhmen, me shumë gjasa tek një ekip elite.