Mesfushori Frenkie De Jong nuk e ka filluar me këmbën e mbarë këtë sezon pavarësisht se konsiderohet një ndër pilarët kyçë të mesfushës .
Problematikat e ‘’ Los Cules ‘’ kanë filluar të ndikojnë në rendimentin e hollandezit për të cilin gjatë ditëve të fundit është interesuar Manchester City dhe tashmë Bayern Munchen . Prestigjozja ‘’ The Sun ‘’ ka raportuar se bavarezët dhe bardhekaltërit prej një kohe të gjatë e ndjekin 24 vjeçarin i cili është produkt i akademisë së Ajaxit .
Historia e gjermanëve me Frenkie De Jong ka iniciuar në verën e kaluar por oferta prej 70 milionë eurosh e gjigandëve të Bundesligës u refuzua kategorikisht nga presidenti Joan Laporta duke e vlerësuar në maksimum nxënësin e Ronald Koeman .
Por tashmë historia është përsëritur sepse rendimenti i Frenkie De Jong ia ka përforcuar idetë trainerit Julian Nagelsmann dhe gjithashtu Pep Guardiolas se mund të jetë një alternativë efikase për të ardhmen e skuadrave në fjalë .
Llogjikisht oferta e tyre do të ketë një rritje të konsiderueshme me anë të cilës do të tentojnë të përfitojnë edhe nga problemet ekonomike të ‘’ Blaugranëve ‘’ për ti ofruar një të ardhme ndryshe në ‘’ Allianz Arena ‘’ apo në ‘’ Etihad Stadium ‘’ .
Frenkie De Jong është një ndër lojtarët e preferuar të Ronald Koeman por merkatoja e janarit mund të rezultojë surprizuese për të ardhmen e tij sepse jo vetëm potenciali i gjermanëve dhe anglezëve por edhe fakti se janë kandidatë potencialë për të fituar gjithçka në çdo sezon mund ti shërbejnë ishi-t të Ajaxit për të ndërruar Katalunjën me Mynihun ose Manchesterin .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
