Falë sezonit shumë të mirë të zhvilluar në rradhët e Almerias, për Marc Pubill pretendentët po shtohen gjatë kësaj merkatoje verore.
Spanjolli ishte shumë afër kalimit tek Milani, për të cilin po lufton edhe Barcelona por në orët e fundit Wolves i është shtuar listës.
22 vjeçari ka zhvilluar një lojë për tu duartrokitur në krahun e djathtë të mbrojtjes dhe drejtuesit e anglezëve thuhet se do të japin maksimumin për ta transferuar në Premier League.
Dihet se ekipet e kësaj lige historikisht kanë bërë diferencën në lidhje me ofertat dhe rasti i ‘’ Ujqërve ‘’ nuk do të bëjë përjashtim.
Tek Marc Pubill vihet re kombinimi i aspektit taktik me atë teknik dhe inkursionet e shpeshta drejt portave kundërshtare, me anë të cilave i ka vënë gjithmonë në rrezik ato.
Sipas ecurisë së deritanishme besohet se e ardhmja e lojtarit nga Tarrasa do të jetë ajo e dëshiruara por mbetet për tu parë se si do të vijojë kjo histori në kohën e mbetur të merkatos.
Ndërkohë, krerët e Almerias tashmë janë të entuziazmuar sepse me largimin e Marc Pubill do të mund të përforcohen ndjeshëm në aspektin ekonomik, për ta vënë në dispozicion më pas për blerjet gjatë kësaj periudhe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
