Kukësi ndodhet në pozita të vështira në renditje, me verilindorët që rrezikojnë mbijetesën dhe për këtë arsye, klubi po punon për përforcime në merkaton e janarit.
Ditën e sotme, Kukësi ka njoftuar se ka firmosur me dy lojtarë. I pari është sulmuesi i majtë Johnson Owusu. Futbollisti 24-vjeçar ka firmosur ditën e sotme me klubin verilindor një kontratë për dy sezone e gjysmë.
Ganezi vjen te Kukësi nga kampionati portugez ku sezonin e fundit ishte pjesë e skuadrës së Camacha. Në të shkuarën ka qenë pjesë e Trinity Zlin në Çeki, Braga U19 dhe Maritimo B në Portugali. Në kampionatin ganez, Johnson ka luajtur me ekipe si Dreams FC e Inter Allies.
I dyti është sulmuesi i djathtë Erduan Smajli. Futbollisti 19-vjeçar ka firmosur ditën e sotme një kontratë për 3 sezone.
19 vjeçari nga Ferizaj, i lindur në Zvicër vjen te Kukësi nga kampionati zviceran ku së fundmi ka qenë pjesë e Chiasos teksa është një futbollist i dalë nga akademia e Young Boys. Smajli ka luajtur edhe me ekipin e moshave të Genoas në Itali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
