Presidenti i KOKSH, Fidel Ylli, foli në emisionin “SportZone” në MCN TV, për hapjen e basteve. Ylli deklaroi se KOKSH nuk bën propagandë, por kur merr nisma, i merr bazuar në fakte dhe argumente.
Ai deklaroi se të ardhurat nga bastet sportive, janë një ndihmë shumë e madhe për sportin dhe federatat.
Hapja e basteve sportive? Di të them vetëm diçka, që kur KOKSH, merr disa nisma, i merr të bazuara në fakte dhe me argumente. Ne nuk kemi bërë asnjëherë propagandë. Veset nuk mbyllen me ligj, këtë i kemi thënë edhe kryeministrit. Kur bastet janë edhe në Europën, ku duam të shkojmë, pse ne mos i kemi. KOKSH ka vizion dhe ëndrrat i bën realitet. Kjo nuk është një e mirë për KOKSH, sepse ne bëjmë politika për sportin. Këto para i duam të bëjmë sa më shumë qendra sportive, sa më shumë pishina. Fëmijët duan të merren me aktivitet fizik, por ku të merren?! Sporti është imazhi më i mirë.
Unë mendoj se me buxhetin nga bastet, do jetë një ndihmë e mirë. Nuk themi që ky viti i parë është një vit ku do na vijnë mbi 50-60 milionë euro, se sa të krijohet, por do jetë një ndihmë shumë e mirë për sportin shqiptar.
Çështja e sportit nuk është vetëm çështje parash. Çështja e sportit, është çështje vizioni dhe që të marrësh para, duhet të dish. Siç bëmë ne, që i paraqitëm qeverisë një projekt të detajuar dhe në një kohë krize, i dha KOKSH-it një projekt 5 milionë dollarë. Ashtu merri marrë edhe projekte të tjera. Nëse arrijmë të fusim sportin në shkolla, të jeni të bindur se kemi arritur diçka të madhe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
