E ardhmja praktikisht e pamundur tek Feyenoordi, e ka shëndërruar Santiago Gimenezin në objektivin e një skuadre me shumë traditë në Premier League.
Arsenali ka nisur ofensivën për ta blerë golashënuesin, shumë i rëndësishëm gjatë dy sezoneve tek ekipi nga Roterdami.
26 gola dhe 6 asiste në 40 sfida me hollandezët në të kaluarin natyrisht ia kanë rritur vlerat dhe e kanë shëndërruar në një rrezik për çdo rival në Eredivisie.
23 vjeçari spikati edhe në Champions League me 2 gola dhe 1 asist në fazën e grupeve edhe pse Feyenoordi nuk mundi ta kalojë.
Gjithsesi problemi për ‘’ Topchinjtë ‘’ është se kontrata e Santiago Gimenez me gjigandët e Hollandës skadon në qershorin e 2027-tës dhe përpos tyre, edhe Real Madridi, Juventusi, Atletico Madridi dhe Barcelona luftojnë për shërbimet e tij.
Traineri Mikel Arteta prej kohësh e ka bërë me dije se dëshiron me patjetër transferimin e një qendërsulmuesi në ‘’ Emirates ‘’ dhe ishi i Cruz Azul konsiderohet ideal për mënyrën se si luan Arsenali.
Dy sezonet tek Feyenoordi e kanë ndihmuar lojtarin e lindur në Buenos Aires për të bërë pjesë e planeve të ekipeve me emër, për të cilin do të zhvillohet një sfidë shumë e ashpër gjatë merkatos së verës.
Për sa i përket ‘’ The Gunners ‘’ duhet theksuar se kanë rikuperuar terren në krahasim me të kaluarën, të cilët e humbën fatkeqësisht kampionatin të disavantazhuar vetëm dy pikë nga Manchester City.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
