Më në fund Juventusi ka vendosur në lidhje me Adrien Rabiot.
Drejtuesit e torinezëve i kanë treguar daljen mesfushorit francez për të cilin s’do të ketë shumë shanse sidomos me rikthimin e Paul Pogbas në ‘’ Allianz Stadium ‘’ .
‘’ Zonja e Vjetër ‘’ po i bën hapat me kujdes dhe sipas ‘ Corriere dello Sport ‘, për 27 vjeçarin Juventusi pret të arkëtojë 15-20 milionë euro pasi nuk ka mundur të avancojë dhe tek italianët një fakt i tillë nuk lejohet.
Spekullimet e fundit flasin për një rikthim tek Paris St Germain pasi nëna e tij dhe njëkohësisht dhe agjentja e Adrien Rabiot po jep maksimumin për ta parë sërish në ‘’ Parque de Prince ‘’, aty ku kaloi shtatë sezone .
Nëse rikthehemi paksa në të kaluarën , me rëndësi për tu përmendur është se asokohe u insistua për largimin nga ‘’ Les Pariziens ‘’ me parametër zero duke shkaktuar nervozizëm tek drejtuesit e klubit por e ardhmja shikohet në kryeqytetin francez pasi tek ish rekordmenët e Scudettos Adrien Rabiot nuk ka mundur të adaptohet.
Prioriteti për Juventusin do të jetë fitimi i titujve dhe merkatoja e verës do të jetë një provë shumë e rëndësishme e cila do ti paraprijë sezonit 2022-2023 gjatë të cilit titujt do të jenë fokusi kryesor i bardhezinjve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
