Ditët e fundit të merkatos do të jenë shumë të rëndësishme për të ardhmen e Atletico Madridit.
Drejtuesit e ‘’ Los Colchoneros ‘’ po punojnë me shumë përkushtim për t’ia plotësuar kërkesat trainerit Diego Simeone, synimi i të cilit është përforcimi i mesfushës.
Pavarësisht prezencës së Kokes, Rodrigo De Paul dhe Pablo Barrios, argjentinasi ka menduar për një tjetër element.
Sipas ‘ Marca ‘ dhe ‘ As ‘ , Andre Trinidade i Fluminenses është bërë pjesë e planeve të ishi-t të River Plates, lojtar shumë deçiziv tek brazilianët.
Drejtuesit tashmë janë shprehur në lidhje me pretendimin, të cilët i kanë kërkuar ‘’ Los Rojiblancos ‘’ 35 milionë euro për 22 vjeçarin pasi nuk janë të gatshëm ta huazojnë.
Ndërkohë, për Andre Trinidaden transferimi në Spanjë mund të rezultojë eksperienca e parë në Europë, por duhet pritur edhe reagimi i kryeqytetasve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
