Chelsea i Antonio Contes nuk ndalet në serin e fitoreve, duke vazhduar formën fantastike në Premier League.
Skuadra e bluve të Londrës ka shënuar edhe fitoren e 11-të radhazi në elitën e futbollit anglez dhe viktima e radhës ishte Crystal Palace që u mposht në shtëpi me rezultat minimal 0-1.
Golin si gjithmon e shënoi i përhershmi sulmuesi spanjoll Diego Costa pas një pasimi nga spanjolli tjetër Cesar Azpilicueta duke kaluar skuadrën në avantazh në minutën e 43-të.
Në pjesën e dytë Chelsea kërkonte dyfishimin e rezultatit por një gjëje të tillë nuk ia arriti. Edhe vendasit kërkonin golin e barazimit por mbrojtja e Chelseat ishte në nivel ashtu si portieri belg Courtois.
Kjo ishte hera e parë në histori të klubit që regjistron 11 fitore me radhë në një sezon – gjitha meritat shkojnë për Antonio Conten që ka krijuar një skuadër tejet të fuqishme.
Pas kësaj fitore Chelsea vazhdon të kryesoj e vetme në vendin e parë me 43 pikë të grumbulluara, nëntë më shumë se Liverpool e Arsenal që kanë nga një ndeshje më pak të zhvilluar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
