Ish-trajneri i njohur italian, Fabio Capello, foli për gjysmëfinalen e parë mes Milanit dhe Interit, që u fitua nga këta të fundit me rezultatin 0-2.
Capellos tha se lojtarët e Milanit gabuan shumë, ndërsa shtoi se tashmë zikaltërit janë më pranë finales.
Sipas tij, Interi mund t’i shkaktojë probleme Realit ose Manchester Cityt, nëse luajnë me të njëjtin intensitet si ndaj Milanit.
Lojtarët e Milanit gabuan shumë. Ata duhet ta harrojnë ndeshjen e parë, por jo gabimet e kryera. Sa i përket Interit, nëse do të isha në vendin e Inzaghit do të përgëzoja skuadrën, sidomos për pjesën e parë. E qarkulluan mirë topin dhe shënuan.
Interi është shumë më afër kualifikimit. Nëse zikaltrit luajnë me të njëjtin intensitet, ata mund t’i shkaktojnë probleme Realit ose Man City në finale.
Ndeshja e kthimit, Inter-Milan do të luhet të martën e 16 majit, në stadiumin “San Siro”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
