Debuton në stolin e Kosovës, Foda: Të jemi agresivë dhe sulmues

Trajneri Franco Foda, do të bëjë debutimin e tij në stolin e Kosovës këtë të premte, në miqësoren ndaj Armenisë.

Tekniku gjerman, deklaroi se skuadra është përgatitur mirë, ndërsa shtoi se qëllimi është që të luajnë sa më agresivë dhe të sulmojnë shpejt.

Armenia dhe Kosova kanë lojtarë shumë të mirë, sidomos teknikisht dhe që të dyja kanë paraqitje solide. Në tri ditët e fundit jemi përqendruar në aspektin taktik. Do të luajmë në mënyrë sa më agresive dhe të sulmojmë sa më shpejt.

Kemi bërë stërvitje të mira në Prishtinë dhe jemi përgatitur mirë. Rrahmani dhe Rashica kishin probleme të vogla muskulore, por që i kanë kaluar dhe janë gati për ndeshje.