Eliminimi i Laçit në turin e dytë në Conference League, ishte surpriza më e madhe sa i përket skuadrave shqiptare në Europë. Kurbinasit u mposhtën 1-4 në ndeshjen e kthimit nga moldavët e Petrocub në “Elbasan Arena”.
Për këtë, në emisionin “Skaner” ne MCN TV, ka folur edhe trajneri i futbollit, Sulejman Starova, i cili tha se Laçi në pjesën e dytë u shpërfytyrua, duke bërë të duken si skuadër amatore.
Ky mund të quhet një nga sezonet më të këqija për skuadrat shqiptare në Europë. E kishim parashikuar që Tirana dhe Vllaznia do e kishin shumë të vështirë, por ajo që na la shijen e hidhur është eliminimi i Laçit.
Një rezultat që nuk e priste askush, edhe për faktin që kaluan në avantazh. Kishin edhe një rast për 2-0. Më pas u shpërfytyruan, u bënë si një skuadër amatore dhe u bë për të mbyllur TV, apo për të ikur nga stadiumi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
