Ish-presidenti i Uefa, Michel Platini ka humbur apeli në Gjykatën Evropiane të të Drejtave të Njeriut për suspendimin e tij nga futbolli.
Gjykata Europiane e të Drejtave të Njeriut ka deklaruar se ankimimi i Michel Platini kundër dënimeve të marra nga drejtësia sportive është “i papranueshëm”.
Platini, 64 vjeç, akuzohet se ka përfituar 2 milionë $ nga ish-presidenti i FIFA-s Sep Blater për ta zëvendësuar këtë të fundit në postin e qeverisë së futbollit botëror në vitin 2015. Të dy mohuan se kanë bërë shkelje.
Francezit iu dha një pezullim tetë vjeçar, i cili përfundimisht u reduktua në katër pasi çështja u apelua. Platini kundërshtoi gjykimin e Cas për tre arsye: të drejtën për një seancë të ndershme, që rregullat e FIFA-s ishin përdorur në mënyrë retrospektive ndaj tij dhe se ndalimi ishte i tepërt.
Në gjykimin e saj, GJEDNJ tha: “Gjykata konstatoi në mënyrë të veçantë që, duke marrë parasysh seriozitetin e sjelljes së keqe, pozicionin e lartë të mbajtur nga z. Platini në organet drejtuese të futbollit dhe nevojën për të rivendosur reputacionin e sportit dhe të FIFA-s, sanksioni nuk u duk i tepruar ose arbitrar “.
Platini, suspendimi i të cilit u reduktua për katër vjet nga Gjykata e Arbitrazhit për Sport, kishte kërkuar në Gjykatën Evropiane të të Drejtave të Njeriut që vendimi të shpallet i pavlefshëm, edhe pse pezullimi përfundoi në fillim të këtij viti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
