Tentativat e drejtuesve të Real Madridit për tu përforcuar sidomos në repartin defensiv vijojnë.
Duke qenë se jemi në një fazë determinante për sezonin, spanjollët asnjëherë nuk e kanë shmangur vëmëndjen nga merkatoja e verës.
‘’ Galaktikët ‘’ gjithmonë konsiderohen një ndër protagonistët falë mbështetjes së padiskutueshme të Florentino Perezit, pa të cilin zor se do ti kishin arrirë majat.
Nico Schlotterbeck përsëri është bërë pjesë e planeve të ‘’ Los Merengues ‘’ i cili e finalizon kontratën me Borussia Dortmundin në 2031-shin.
Mirëpo, së fundmi gjermanët kanë përcaktuar një klauzolë prej 50-60 milionë eurosh e cila vihet në funksion vetëm në rastin e ofertave nga klube të rëndësishëm në kontinentin e vjetër.
Duke u nisur nga ky fakt kuptohet se e ardhmja e 26 vjeçarit mund të jetë larg ‘’ Signal Iduna Parkut ‘’, ndoshta në ‘’ Santiago Bernabeu ‘’.
Nico Schlotterbeck vlerësohet maksimalisht në kampin e ‘’ Los Blancos ‘’ duke qenë se është tejet luftarak, i cili shquhet edhe për inkursionet e shpeshta drejt ofensivës dhe mbi të gjitha e ka eksperiencën e mjaftueshme në kompeticionet europiane.
Këto cilësi janë të duhurat për një ekip elite por duhet patur parasysh se krerët e ‘’ Verdhezinjve ‘’ e konsiderojnë një komponent shumë të rëndësishëm.
Ishi i Union Berlinit ndër të tjerë duhet ta analizojë me detaje këtë interes duke qenë se flitet për gjigandët e Spanjës dhe Europës, ekip i cili bashkjeton me suksesin në çdo sezon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
