Atalanta fitoi Ligën e Europës, Gjimshiti: Nuk e kuptoj çfarë bëmë, dikur luftonim për mbijetesë
Atalanta mori një sukses historik, pasi fitoi Europa League-n. Italianët mposhtën në finale skuadrën e Bayer Leverkusen me rezultatin 3-0.
Në fund, trofeu u ngrit nga mbrojtësi shqiptar, Berat Gjimshiti, që kishte edhe shiritin e kapitenit në këtë përballje.
Pas ndeshjes, lojtari u shfaq shumë i lumtur, për suksesin, ndërsa nuk e besonte dot atë që ndodhi.
Është e vështirë të gjesh fjalët tani, as që po e kuptoj se çfarë bëmë.
Jam krenar për shiritin e kapitenit, para ndeshjes e mësova se do të mbaja shiritin në krah. Grupi është fantastik, sot nuk kishte histori, luajtëm shumë mirë dhe e merituam.
Nuk do ta kisha imagjinuar kurrë. Kur arrita situata dhe pritshmëritë ishin të ndryshme, ne po luanim për të shmangur rënien. Ardhja e Gasperinit solli një filozofi të re, ai gjithmonë dëshiron të përmirësojë lojtarët dhe t’i bëjë ata të performojnë më të mirën e tyre.
Pastaj disa vite më vonë fillova të imagjinoj një moment të tillë, ndoshta jo Ligën e Europës, më shumë Kupën e Italisë. Por sot e meritojmë të gjithën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
