Kërkohet ngjitja në Kategorinë e Parë, kalojnë Pogradeci dhe Valbona

U luajtën këtë të enjte, dy sfida në Kategorinë e Dytë, të vlefshme për fazën “play off”.

Në grupin A, Valbona triumfoi 2-1 ndaj Veleçikut, duke kaluar më tej, ku do të luajë edhe finalen e fundit, këtë herë me vendin e 9-të të Kategorisë së Parë, që mbahet nga Lushnja.

Fituesi i këtij çifti do të luajë sezonin e ardhshëm në Kategorinë e Parë, ndërsa skuadra që humbet, do të luajë në të Dytën.

Në grupin B, Pogradeci mposhti minimalisht Labërinë dhe do të luajë finalen me Burreli, ku gjithashtu skuadra që fiton, do të luajë në Kategorinë e Parë sezonin tjetër.