Trajneri i Tiranës, Orges Shehi ka folur para mediave, në prag të sfidës që skuadra e tij do të luajë ditën e nesërme, me Teutën. Tekniku bardheblu, u shpreh se skuadra e tij është dominonte, ndërsa shtoi se duhet të jenë me këmbë në tokë.
Për Xhixhën, ai u shpreh se ende ndjen dhimbje, nga dëmtimi i pësuar në sfidën me Laçin.
“Në futboll ka momente, nuk fiton ndaj çdo kundërshtari dot. Këtë vit kemi fituar, Teuta është kampionia në fuqi, ka lojtarë cilësorë. Shpresojmë të vazhdojmë kështu.
Ngoo do të mungojë sërish, pasi dëmtimi ishte i rëndë. Ismajlgeci ka filluar dje stërvitjen me grupin, i duhet pak kohë për të qenë në formë. Xhixha pësoi dëmtim, luajti me dhimbje, do shohim nesër si do jetë. Ai dëmtim që pësoi me Laçin vijon ta shqetësojë.
Kemi komunikim të përhershëm me lojtarët në anën morale, fitorja na ktheu në rrugën e duhur por ka përfunduar. Fokusohemi te ndeshja e nesërme, është ekip cilësor. Duke mbaruar atë nesër mendojmë për atë të radhës. Të fokusohemi vetëm në ndeshjen e radhës.
Teuta ka pasur momente jo të mira, ka ndryshuar pankinën. Ka lojtarë me petkun e kampionit, në ditën e tyre të mirë të hapin punë. Pika e fortë janë lojtarët që kanë qenë edhe sezonin e shkuar. Nuk komentoj deklaratat e trajnerëve të tjerë, jam i fokusuar tek ekipi im.
Që të jesh skuadër kompetitive, duhet të kesh ekuilibër, duket të ecësh me logjikë. Skuadra të luajë shkurt, pa i dhënë mundësi kundërshtarit. Duke bërë mirë dy rolet, shkohet te suksesi. Më vjen mirë që ekipi shkon te goli, prodhon por edhe mbron. Jemi të gjithë në grup në dy fazat. Deri tani jemi skuadër dominante.
Ne jemi ndërtuar nga e para, kemi ruajtur një bosht nga viti i shkuar. Gjysma e skuadrës është e re, nuk duam limite në përmirësim. E mira s’ka fund. Javë pas jave të jemi vetvetja, të jemi me këmbë në tokë”, u shpreh Shehi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
