Dinamo ka nisur merkaton, teksa këtë të hënë, ka prezantuar dy afrimet e para. Bëhet fjalë për mbrojtësin e djathtë, Albion Marku dhe mbrojtësin e qendrës Rustem Hoxha. Ky i fundit vjen pas aventurës me Ballkanin në Kosovë, ndërsa Marku në sezonin që lamë pas, ishte pjesë e Teutës në huazim. “Dinamo zyrtarizon arritjen e marrëveshjes me mbrojtësin Rustem Hoxha. Mbrojtësi durrsak rikthehet në Superiore pas 2 sezoneve shumë të suksesshme me ekipin e Ballkanit në Kosovë. Hoxha është një prodhim i Teutës ndërsa më herët ka luajtur edhe me Kukësin e Luftëtarin. Albion Marku është zyrtarisht “Dinamovit”! FC Dinamo njofton se ditën e sotme në praninë e presidentit Bardhi, mbrojtësi 22-vjeçar ka firmosur kontratën që e bën pjesë të 18-herë kampionëve të vendit për sezonin e ri. Marku më herët ka qenë pjesë e Laçit dhe Partizanit në Superiore, ndërsa sezonin e fundit ishte i huazuar nga Dinamo tek skuadra e Teutës së Durrësit”, shkruan klubi kryeqytetas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
