Trajneri Giovanni Colella, nuk është më trajner i Partizanit. Kjo është bërë e ditur nga vetë klubi i kuq, nëpërmjet një komunikate zyrtare.
Partizani bën të ditur se trajneri italian, ka dhënë dorëheqjen dhe është larguar nga drejtimi i kryeqytetasve, me të cilët fitoi edhe titullin kampion.
Në orët e ardhshme, Partizani pritet të prezantojë edhe trajnerin e ri.
NJOFTIMI I KLUBIT:
Partizani njofton mbylljen e bashkëpunimit me trajnerin Giovanni Colella, i cili sot i ka prezantuar dorëheqjen e parevokueshme presidentit Demi. Trajneri largohet nga Partizani pas një viti të suksesshëm ku arriti së bashku me skuadrën objektivin madhor, titullin kampion. Falënderojmë për kontributin “mister” Colella-n, që largohet nga Shqipëria si trajneri kampion, dhe i bëjmë me dije se dera e Partizanit do mbetet e hapur për bashkëpunime të tjera në të ardhmen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
