Portieri Gianluigi Donnarumma ka mbyllur aventurën e tij me Milanin. Ka qenë drejtori i kuqezinjve, Paolo Maldini, i cili në një intervistë të dhënë për mediat italiane, ka thënë se rrugët me portierin janë ndarë.
“Rrugët e Milanit dhe Donnarumma ndahen këtu. Unë mendoj që duhet të falënderojmë të gjithë lojtarët që kanë bërë një sezon të pabesueshëm. Gigio ishte protagonist, një udhëheqës i skuadrës dhe në disa ndeshje kapiten. Ndonjëherë njerëzit e kanë të vështirë ta kuptojnë se çfarë do të thotë të jesh profesionist. Të jesh i tillë do të thotë që jeni i gatshëm për të ndryshuar edhe skuadër dhe të vazhdoni karrierën diku tjetër. Donnarumma ka dhënë shumë për këtë skuadër dhe duhet ta respektojmë për këtë”, u shpreh Maldini.
Donnarumma ka debutuar me Milanin në moshën 16-vjeçare dhe pas 6 sezoneve me kuqezinjtë, rrugët mes palëve janë ndarë. Portieri italian tashmë është një lojtar i lirë dhe klubet që dëshirojnë ta marrin, nuk do të duhet të paguajnë për asnjë qindarkë, përveç rrogës sezonale të lojtarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
