Mosarritja e akordit me Marco Asension në lidhje me rinovimin e kontratës, ashtu siç parashikohej i ka vënë në lëvizje drejtuesit e Real Madridit për të gjetur lojtarin e duhur në pozicionin e spanjollit.
Një ndër preferencat e ‘’ Galaktikëve ‘’ vijon të jetë Takefusa Kubo, një element kyç tek Real Sociedadi .
Mirëpo duke patur parasysh vështirësinë për ta transferuar në ‘’ Santiago Bernabeu ‘’, kryeqytetasit i kanë paraprirë kësaj situate dhe e kanë rikthyer përsëri fokusin tek Leroy Sane, një dëshirë e vjetër e tyre.
Megjithatë , nëse 27 vjeçari do të vendosë për tu transferuar në ‘’ Santiago Bernabeu ‘’ sigurisht nuk do ta ketë të lehtë për arsye të rivalitetit me Rodrygon, titullar i padiskutueshëm në skemat e Carlo Ancelottit.
Si për çdo lojtar tjetër, nëse flitet për Real Madridin pa dyshim që nënkuptohet një rivalitet i ashpër, ekip i cili pretendon në çdo sezon fitimin e çdo titulli, në çdo kompeticion.
Katër sezone tek bavarezët vijojnë të konfirmojnë se ishi i Manchester City-t mbetet një ndër më të mirët në repartin ku aktivizohet dhe dëshira e Florentino Perezit është ta shëndërrojë në një ndër blerjet më cilësore gjatë merkatos së verës, gjithmonë nëse do të dështojnë në tentativën për Takefusa Kubon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
