Gjatë merkatos së janarit priten shumë ndryshime tek Barcelona.
Prioriteti i drejtuesve është prapavija, ekzaktësisht qendra e mbrojtjes, pasi gjatë fazës së parë të sezonit, ky repart nuk e ka bindur Xavi Hernandezin.
Një ndër të preferuarit e numrit një të stolit është Eric Garcia, i cili në të kaluarën nuk pati fat tek kuq e blutë, aktualisht i huazuar tek Girona.
Duke iu referuar ecurisë së 22 vjeçarit, ‘’ Azulgranët ‘’ kanë menduar se mund të përforcojnë arkat me largimin e tij gjatë merkatos së verës, për tu hedhur më pas në sulm për të tjerë elementë.
Edhe Chadi Riad, i cili po zhvillon një sezon shumë të mirë tek Real Betisi, është tanimë në fokusin e ish fituesit të dy Europianëve dhe një Botërori me kombëtaren ‘’ La Furia Roja ‘’.
Flitet se për rikthimin në ‘’ Camp Nou ‘’ do të investohen rreth 7 milionë euro.
Përsëritja e të kaluarës është natyrisht kryefjala e përditshmërisë në kampin e katalanasve , një skuadër e cila e njeh shumë mirë rrugën drejt suksesit dhe me këto dy lojtarë do të kërkohet ti jepet një tjetër impakt repartit defensiv, duke kombinuar kështu talentin me eksperiencën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
