Largohet nga Napoli, por Hysaj do të vazhdojë në Serie A

Elseid Hysaj tashmë e ka vendosur dhe do të largohet nga Napoli, pas përfundimit të kontratës më 30 qershor.

Interesimet për mbrojtësin e Kombëtares nuk mungojnë teksa duket se do të vazhdojë karrierën përsëri në Serie A. Sipas asaj që raportojnë mediat italiane, shkodrani është shumë afër kalimit të skuadra e Lazios. Këta të fundit kanë emëruar në stol Maurizio Sarrin, i cili e pëlqen shumë Hysajn dhe e do te skuadra e tij.

Në Itali thuhet se marrëveshja mes palëve për Hysajn është arritur dhe pritet vetëm zyrtarizimi, teksa janë bërë të gjitha gati.

Kujtojmë se 27-vjeccar përveç Napolit, në Serie A ka luajtur edhe me Empolin dhe për këtë arsye e njeh mirë kampionatin italian.