Flamengo, ofensivë për Paulo Dybalan

 E ardhmja e Paulo Dybalas mendohet se do të ndryshojë gjatë merkatos së verës. 

Argjentinasi e përfundon kontratën me Romën në fundin e sezonit, për të cilin ka nisur ofensivën Flamengo.

 Drejtuesit e brazilianëve janë të ndërgjegjshëm për cilësitë e ishi-t të Juventusit në metrat e fundit, i cili po zhvillon sezonin e tretë me ‘’ Verdhekuqtë ‘’. 

Thuhet se pavarësisht përpjekjeve për t’ia rinovuar kontratën 31 vjeçari besohet se do t’ia vërë pikën eksperiencës në rradhët e kryeqytetasve. 

Krerët e Flamengos kanë përgatitur një kontratë për dy vite për golashënuesin me opsionin e zgjatjes për më tej, sigurisht në varësi të rendimentit të Paulo Dybalas. 

Italianët nuk janë të sigurtë për qëndrimin e asit nga Kordoba në ‘’ Olimpico ‘’, kontrata e të cilit në sezon i arrin 8 milione eurot, natyrisht shifër disi e vështirë për tu përballuar nga presidenti i Flamengos Rodolfo Landim.

 Eksperienca, nuhatja për golin dhe gjithashtu prezenca e tij në metrat e fundit nënkupton një avantazh për cilëndo skuadër dhe pritet që në vijimësi të marrë një vendim për karrierën. 

11 gola dhe 6 asiste në 48 sfida janë statistikat e arritura nga nxënësi i Gian Piero Gasperinit në sezonin aktual, i cili gjithsesi mbetet një rrezik për çdo rival.