Firmosja me Mkhirtaryan, Asllanin dhe Lukakun i ka hapur rrugë të tjera operacioneve tek Interi .
Zikaltërit e drejtuar nga Simone Inzaghi e kanë të qartë se për të ulur nga froni Milanin dhe suksesit në Uefa Champions League duhet të bëjnë maksimumin gjatë merkatos .
Në orët e fundit , Marcus Thuram i Borussia Monchengladbahut është bërë pjesë e planeve të italianëve .
Adaptimi në disa pozicione si përshembull nga krahët dhe në vijën e parë të sulmit e bën një lojtar shumë të preferuar 24 vjeçarin i cili ka privilegjin e të qënit djali i legjendës franceze dhe ish mbrojtësit të njohur Lilian Thuram.
Tre sezonet në Bundesligë i kanë shërbyer për të treguar kualitetin në fushën e lojës dhe ky interes i jep shansin për të provuar një ndër kampionatet më të famshëm siç është Seria A , me një ekip i cili mbetet një ndër më kompetitivët e tij.
Megjithatë kalimi i Marcus Thuram në ‘’ Giusseppe Meazza ‘’ do të varet nga largimi i Joaquin Correas apo Alexis Sanchezit, për ti hapur kështu rrugë një revolucioni në ofensivë , një domosdoshmëri për mbarëvajtjen e mëtejshme të ish kampionit të Serisë A.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
