Filip Najdovski pritet të largohet nga Tirana. Ndonëse ditën e djeshme Sportmedia në Maqedoninë e Veriut e bëri të sigurt largimin e futbollistit, është mësuar se ai është ende pjesë e bardhebluve, ndonëse një largim nuk përjashtohet.
I njëjti burim njofton ditën e sotme se futbollisti maqedonas është shumë afër kalimit te Shkëndija e Tetovës.
Madje thuhet se marrëveshja është shumë afër, duke bërë të ditur se kontaktet mes palëve kanë shkuar shumë mirë. Akordi për transferimin e Najdovskit te Shkëndija është në fazën përfundimtare dhe zyrtarizimi pritet të vijë në orët e ardhshme.
Shkëndija e Tetovës ka nevojë për përforcime në merkato, pas problemeve në ndeshjet e para dhe për këtë arsye drejtuesit kanë filluar të lëvizin për afrime të reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
