Paraguai bën surprizën e madhe, eliminoi Gjermaninë me penallti në Kupën e Botës 2026

Paraguai regjistroi surprizën më të madhe të Kupës së Botës 2026 deri tani, duke eliminuar Gjermaninë me penallti 4-3, pasi ndeshja u mbyll 1-1 pas 120 minutash lojë. 

Julio Enciso kaloi në avantazh paraguajanët, ndërsa Kai Havertz barazoi për gjermanët. Në serinë e penalltive, Orlando Gill ishte heroi i Paraguait, që siguroi kualifikimin historik.

Edhe Maroku preu biletën për në raundin e 1/16-ave pas një dueli dramatik me Holandën. Afrikanët barazuan në minutat shtesë me Issa Diop, ndërsa më pas fituan 3-2 me penallti, falë golit vendimtar të Ismael Saibari.

Ndërkohë, Brazili shmangu befasinë ndaj Japonisë, duke fituar 2-1 me një gol të Gabriel Martinellit në minutën e fundit. Japonia kishte kaluar e para në avantazh me Kaishu Sano, Casemiro barazoi për "Seleçaon", ndërsa Martinelli vulosi kualifikimin dramatik për brazilianët.