Drejt mbushjes së 40 viteve , Zlatan Ibrahimovich vijon të tregojë forcat në elitën e futbollit europian ku gjatë sezonit të kaluar arriti një sukses shumë të rëndësishëm me Milanin . Rikthimi në Champions League ishte një emocion i veçantë për kuqezinjtë të cilët për disa vite nuk e shijuan faktin e të qënit pjesë e kompeticionit më të rëndësishëm në Europë .
Duke iu referuar arritjeve të suedezit sipas ‘ Le Parizien ‘ në të kaluarën u përfol për një rikthim tek Paris St Germain , çështje të cilës i dha dritë agjenti i golashënuesit Mino Raiola gjatë një mbledhje me drejtorin sportiv të ‘’ Les Pariziens ‘’ Leonardo por gjithçka shkoi në favor të italianëve që siguruan qëndrimin e sulmuesit nga Malmo në të famshmin ‘’ San Siro ‘’.
Qëllimi i kuq e bluve ishte gjetja e një profili tjetër për ofensivën dhe francezët ia lanë në një lloj mënyre rrugën të lirë Zlatan Ibrahimovich për të vijuar me shkëlqimin nën drejtimin e Stefano Piolit duke i tejkaluar pritshmëritë .
Tashmë bishës nordike që ka arritur me meritë të klasifikohet ndër më të mirët pozicionin e tij i mbetet të tregojë potencialin në çdo kompeticion që Milani do të jetë pjesëmarrës , në veçanti Champions Leaguen , eveniment në të cilin kjo skuadër ka shijuar shumë suksese në të kaluarën .
17 gola në 27 ndeshje mbetet një statistikë shumë favorizuese si për të ardhmen e ‘’ Zlatan ‘’ ashtu edhe për fatet e sulmit të Milanit i cili do të jetë një rrezik konstant për çdo kundërshtar në sezonin vijues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
