U luajtën ditën e sotme 2 ndeshjet e fundit në Superligën e Kosovës, të vlefshme për javën e 10-të në këtë kampionat.
Ballkani nuk shkoi më shumë se barazimi pa gola në transfertë ndaj Dukagjinit, ndonëse këta të fundit nga minuta e 82-të luajtën me 10 lojtarë, pasi Januzi u ndëshkua me karton të kuq.
Pavarësisht barazimit, Ballkani ia doli të marrë kryesimin e renditjes me 18 pikë, 1 pikë më shumë se ndjekësit e Drenicës dhe Gjilanit. Pikërisht këto dy skuadra u përballën mes tyre ditën e sotme.
Fitues në fund doli Gjilani me rezultatin 2-1, falë dy golave të shënuar nga Gerhard Progni, në minutat 65 dhe 79, ndërsa për Drenicën golin e vetëm e shënoi Zabergja në minutën e 83.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
