Ish-futbollisti Ermal Tahiri në emisionin “Skaner” në MCN TV, është shprehur se Reja i dha një tjetër hov lojës me zëvendësimet e bëra. Më tej ai tha se të gjithë duhet të mësohen që kur Shqipëria fiton, të jenë të qeshur dhe jo t’i bien ekipit. Tahiri shtoi gjithashtu se fakt është që te Kombëtarja problem është shënimi i golave.
“Në pjesën e dytë me zëvendësimet që bëri Reja, i dha një hov tjetër lojës. Të gjithë lojtarët kanë luajtur në formacion. Bare me Gjasulën e bënë më të mirë ekipin. Ne duhet të mësohemi që kur fiton ekipi Kombëtar të jemi të qeshur dhe jo t’i biem ekipit. Ka një fakt, që nuk shënojmë gol. Futet Broja dhe shënon nga çdo anë.”, u shpreh Tahiri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
