Etapës së Zinedine Zidane tek Real Madridi i ka ardhur fundi . ‘’ Los Blancos ‘’ kanë zyrtarizuar largimin e 48 vjeçarit nga ‘’ Santiago Bernabeu ‘’ për shkak se e kishte mbushur kupën dhe nuk arriti të fitonte asnjë trofe gjatë këtij sezoni . Eksperienca e të kaluarës nuk ka ndikuar aspak për vendimarrjen e të famshmit ‘’ Zizou ‘’ që gjithsesi do të largohet me kokën lart sepse ka shijuar shumë trofe të rëndësishëm me këtë skuadër .
Komunikimi për largimin e francezit pa dyshim ka rezultuar i hidhur por nuk kishte si të ndodhte ndryshe sepse në të kundërt situata mund të agravohej .
Lajmi është deklaruar nga faqja zyrtare e ‘’ Galaktikëve ‘’ në të cilën thuhet :
“ Zinedine Zidane ka vendosur të finalizojë eksperiencës me Real Madridin . I urojmë suksese të mëtejshme këtij traineri që e ndihmoi skuadrën na lumturoi me arritjet e tij . Ai do të jetë gjithmonë i mirëpritur këtu “ , ishte kjo deklarata e shprehur nga drejtuesit e cila la për të kuptuar mirënjohjen e veçantë për vitet e suksesit nën drejtimin e trainerit nga Marseja.
Ky vendim pritej prej kohësh sepse Real Madridi i kishte paraprirë kësaj situate me shpalljen e zëvëndësuesve të mundshëm . Në këtë kuptim 34 here kampionët e La Ligas kanë humbur paksa terren sepse Massimiliano Allegri ka vulosur rikthimin tek Juventusi dhe në lojë mbeten Xabi Alonso , Marcelo Gallardo , Raul Gonzalez Blanco , Joachim Low dhe Antonio Conte . Emrat e tyre e favorizojnë të ardhmen e Real Madridit sepse mbajnë mbi supe peshën e një kurrikulumi të shkëlqyer dhe ndezin shpresën e rifutjes në shinat e suksesit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
