Rreth 200 persona në situatë rruge u akomoduan në qendrat sociale të kryeqytetit në ditët e ftohta të janarit kur temperaturat arrinin disa gradë nën 0. Me mijëra të tjerë e kalojnë ditën vetëm me 400 lek të vjetra në ditë. Ndërsa nga ana tjetër pothuajse të gjitha partitë politike kanë premtuar mirëqenie sociale por deri tani asnjë prej tyre nuk e ka njohur minimumin jetik. Deputetët e partisë Libra kanë dorëzuar në komisionin për çështjet sociale një projektligj për minimumin jetik. Për të folur për këtë projektligj, në studion e TemA TV ka qenë e ftuar deputetja Mimoza Hafizi e cila tha se nëse do të kaloj komisionin dhe do të miratohet në parlament atëherë do të përfitojnë 500 mijë shqiptarë.
