Soreca mbështet Parkun Kombëtar të Vjosës: Të dëgjohet zëri i ekspertëve

Ambasadori i Bashkimit Europian në Shqipëri, Lugi Soreca ka bërë të ditur sot në rrjete sociale, mbështetjen që BE i bën inciativës së krijimit të Parkut Kombëtar të Vjosës.

Përmes një postimi në Twitter, ambasadori shkruan se Bashkimi Europian po ndjek nga afër çështjen, së bashku me Ambasadat e BE.

“Ne mbështesim iniciativën për krijimin e Parkut Kombëtar Vjosa. Bashkimi Europian vazhdon ta ndjekë këtë çështje nga afër së bashku me Ambasadat e BE, në konsultim me autoritetet e Shqipërisë. Është thelbësore që zëri i komuniteteve lokale dhe ekspertëve të mjedisit të dëgjohet.”