Presidenti brazilian, Jair Bolsonaro, ka deklaruar se askush nuk do të detyrohet të bëjë vaksinën kundër koronavirusit.
Komentet vijnë pasi qeveria e tij caktoi miliona dollarë për blerjen e vaksinave, pasi Brazili është vendi i dytë më i prekur nga pandemia, pas SHBA-së.
“Askush nuk mund ta detyrojë dikë që të bëjë diçka, kështu që nuk ka përse ndokush të ndihet i detyruar që të bëjë këtë vaksinë”, ka deklaruar Bolsonaro.
Presidenti, i cili kohët e fundit është shëruar nga Covid-19, e ka konsideruar këtë virus si një “grip të lehtë”, duke hedhur poshtë rekomandimet e specialistëve dhe duke kundërshtuar karantinën e vendosur nga guvernatorët dhe kryebashkiakët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
