Është hapur spitali Covid 3 si pasojë e rritjes së rasteve ditore dhe e shtrimeve në spitale.
Lajmin e bën me dije ministrja e Shëndetësisë Ogerta Manastirliu e cila thotë se Covid 3 është hapur për të përballuar shtimin e rasteve të qytetarëve të infektuar.
Ajo thotë se është riaktivizuar plani për përballimin e situatës për t’iu përgjigjur fluksit në spitale.
Ajo thekson se synimi tashmë është frenimi i përhapjes së pandemisë në vend dhe për të lehtësuar pasojat, ndërsa ka bërë apel se vetëm me vaksinim mund të frenohet dhe lehtësohet situata.
Forca ekipit të Spitalit Covid 3 në shërbim në këto momente, i hapur për të përballuar shtimin e rasteve të qytetarëve të prekur nga Covid19, që kanë nevojë për trajtim spitalor. Kemi riaktivizuar planin e përballimit të situatës, për t’iu përgjigjur fluksit në spitale, me përforcimin e ekipeve mjekësore, sigurimin e barnave dhe materialeve mjekësore dhe aparaturat jetëshpëtuese, por është thelbësor vaksinimi masiv, për të frenuar përhapjen e epidemisë në vend dhe lehtësuar pasojat e saj.
Që nga fillimi i pandemisë e deri më tani numri total i vaksinimeve të kryera ka shkuar në 1.500.000, e ndërsa vaksinimi është bërë i detyrueshëm për mësuesit, pedagogët, studentët, mjekët, pritet të merret vendimi edhe për policët, administratën, farmacistët dhe laborantët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
