Kancelarja gjermane, Angela Merkel i ka bërë thirrje Rusisë që të hetojë helmimin e liderit të opozitës ruse Alexei Navalny dhe të merren masat e duhura për ndëshkimin e autorëve.
Këtë të hënë (25 gusht), mjekët gjermanë kanë pohuar se ekzaminimet kanë treguar se lideri i opozitës ruse ishte helmuar para se të humbte ndjenjat në një aeroplan në Rusi javën e kaluar.
“Ata që janë përgjegjës duhet të identifikohen dhe të përgjigjen,” tha Merkel në një deklaratë të përbashkët me Ministrin e Jashtëm, Heiko Maas.
Rusia ende nuk e ka komentuar pretendimin e mjekëve gjermanë.
Navalny është transportuar në Gjermani për trajtim më të specializuar mjekësor.
Navalny është në gjendje kome, pasi dyshohet se u helmua teksa po pinte çaj.
Katër ditë më parë, mjekët rusë që e mjekuan deklaruan e se nuk ka shenja helmimi në gjakun e Navalny, ndërsa thanë se gjendja e tij është tepër e rëndë për t’u transportuar në spital tjetër.
Mirëpo pa kaluar as 24 orë nga ajo deklaratë, Navalny u nis me avion drejt Berlinit, ndërsa shpenzimet e udhëtimit janë paguar nga një OJQ gjermane.
Kreu i opozitës ruse shoqërohet nga bashkëshortja e tij.
Mbështetësit e Navalny akuzojnë autoritetet ruse se po fshehin ngjarjen. Alexei Navalny u sëmur teksa po udhëtonte me avion nga Tomsk për në Moskë.
Ai kishte pirë një filxhan çaj në aeroportin e Tomsk përpara fluturimit. Pasi Navalny shfaqi probleme shëndetësore, avioni bëri ulje emergjente në Omsk.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
