Moti i keq, rënie gurësh dhe dëmtime në Urën e Zapodit

Autoriteti Rrugor Shqiptar jep informacion lidhur me situatën e rrugëve në vend, si pasojë e reshjeve të shiut.

Bëhet e ditur se gjatë natës ka pasur reshje shiu me intensitet duke sjellë rënie gurësh dhe materialesh në trup të rrugës.

Në aksin Ura e Zapodit-Shishtavec si pasojë e reshjeve të shiut me erë të fortë është dëmtuar një urë, po vendoset sinjalistikë dhe po merren masat e para. Kontraktorët e mirëmbajtjes janë në terren për pastrimin e akseve. Përdoruesit e rrugës të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë për shkak të lagështisë në rrugë.