Kina nisi një mision pa pilot në Mars me shpresën se mund të përdorë anijen kozmike për të studiuar tokën e planetit të kuq.
Tianwen-1, ose “kërkimi i së vertetës qiellore” u nis me transportuesin e raketave Long March 5 nga qendra Uençang në provincën Hainan.
Pamjet televizive treguan një ngritje të suksesshme, e cila u ndoq nga qindra njerëz.
Udhëtimi i saj do të zgjasë shtatë muaj kohë për të arritur në Mars.
Kjo është përpjekja e dytë e Kinës për në planetin e kuq.
Në vitin 2011, një anije kineze që shoqëronte një mision rus, ka humbur, pasi nuk ka arritur të dalë nga orbita e Tokës dhe është djegur në atmosferë.
Kujtojmë se për këtë javë ky është fluturimi i dytë për në Mars, pasi një anije kozmike e Emirateve të Bashkuara Arabe u nis nga Japonia më 20 korrik.
SHBA-të presin të nisin anijen e tyre në Mars javën e ardhshme.
Vetëm Shtetet e Bashkuara kanë ulur me sukses anijen hapësinore në Mars dhe një gjë të tillë ato e kanë realizuar tetë herë që nga viti 1976.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
