Shtatzënia, ushqimi që cilësohet si thesar për nënën dhe foshnjën

Vaji i ullirit rezulton të jetë një ushqim i vlefshëm si për gruan gjatë shtatzënisë, ashtu edhe për zhvillimin normal neurologjik të fetusit.

Vaji i ullirit i virgjër është një komponent i rëndësishëm i dietës së shëndetshme të një gruaje shtatzënë, pasi lëndët ushqyese të vajit të ullirit të konsumuar nga gruaja shtatzënë transferohen tek fetusi. Vaji i ullirit është i mirë për t’u konsumuar i papërpunuar dhe në sasi të kufizuar. Është i pasur me acide yndyrore omega-3, të cilat ndihmojnë zemrën, trurin dhe zhvillimin neurologjik të foshnjës.

Vaji i ullirit përmban tokoferole (vitaminë E) që janë thelbësore për trupin, veçanërisht gjatë shtatzënisë.

Tokoferoli konsiderohet vitamina e fertilitetit dhe kontribuon në shëndetin e vezëve si dhe mbrojtjen e fetusit.

Tokoferolet kanë veti të forta antioksiduese. Mungesa e tyre është lidhur me probleme me funksionin riprodhues, si abortet spontane.

Sasi të konsiderueshme të acideve yndyrore omega-3 në vajin e ullirit janë jashtëzakonisht të dobishme për funksionin e zemrës, trurit dhe zhvillimin e fetusit.

Yndyrnat omega-3 të cilat gjenden tek vaji i ullirit janë të lidhura me reduktimin e simptomave të depresionit, por nevojiten studime të mëtejshme për të konfirmuar këto gjetje.

Vitamina A me të cilën është i pasur vaji i ullirit ndihmon në forcimin e sistemit imunitar të grave shtatzëna.

Vaji i ullirit është një burim i pasur i vitaminës A, e cila forcon sistemin imunitar. Vitamina A është gjithashtu e dobishme për sytë e nënës, por gjithashtu mund të jetë e dobishme për zhvillimin e syve të fetusit.

Vaji i ullirit mund të ndihmojë në parandalimin e strijave gjatë shtatzënisë. Aplikimi i vajit të ullirit në bark dhe ije që në fazat më të hershme të shtatzënisë është një nga mënyrat më të mira dhe më të shëndetshme për të reduktuar shanset e strijave gjatë shtatzënisë.

Merrni pak vaj ulliri në pëllëmbët tuaja dhe masazhoni butësisht zonën. Lëreni të veprojë për 30 minuta në mënyrë që vitaminat A, D dhe E që përmban vaji të përthithen nga lëkura. Bëni dush pas masazhit. Një veprim të tillë përsëriteni rregullisht.

Vaji i ullirit përmban vitamina K dhe E dhe mund të ndihmojë në shërimin e shenjës së ndërhyrjes cezariane. Vitamina K kontribuon në procesin e koagulimit të gjakut që ndihmon trupin të shërojë plagët dhe mavijosjet. Vitamina E është një antioksidant i fuqishëm dhe kur aplikohet lokalisht, mund të ndihmojë në trajtimin e dëmtimit të lëkurës.

Vitamina E në vajin e ullirit është një nga përbërësit që e ndihmojnë fëmijën të përshtatet më mirë me mjedisin e pasur me oksigjen të cilit i ekspozohet menjëherë pas lindjes.

Është treguar se nënat e foshnjave të lindura para kohe që konsumojnë vaj ulliri gjatë ushqyerjes me gji, ndihmojnë në zhvillimin më të mirë të veshkave dhe pankreasit të foshnjës.

Vaji i ullirit rekomandohet edhe për foshnjat e lindura para kohe dhe të porsalindurit që kanë probleme me tëmthin dhe pankreasin, për shkak të efekteve të tij të dobishme në sistemin hepatik.

Një studim tregoi se fëmijët e grave që konsumonin vaj ulliri gjatë shtatzënisë kishin gjatësi, peshë dhe reflekse psikomotore më të mira.

Vitamina E në gjakun e një gruaje shtatzënë grumbullohet në gjëndrën e qumështit, duke i lejuar nënës të vazhdojë të furnizojë me vitaminë foshnjën e saj përmes ushqyerjes me gji. Ruajtja e niveleve të kësaj vitamine gjatë ushqyerjes me gji është shumë e rëndësishme.

Nevojat ushqyese të foshnjave nuk janë të njëjta me ato kur rritemi. Gjatë periudhës së laktacionit, 40% e energjisë së konsumuar vjen nga yndyrnat, si qumështi i gjirit.