Presidenti serb Aleksandar Vuçiç është shprehur se bisedimet me Kosovën duhet të rinisin, pavarësisht akuzave për krime lufte të ngritura kundër presidentit të Kosovës, Hashim Thaçi.
Në takimin me liderët e BE-së në Bruksel, Vuçiç tha se nuk kishte asnjë koment për padinë ndaj Thaçit, por bëri të qartë se pret dialog të mbështetur nga BE, për marrëdhëniet Prishtinë-Beograd.
BE ka sinjalizuar se synon të rifillojë dialogun muajin tjetër.
"Ne nuk dëshirojmë të rindezim konflikte të mëtejshme politike ose fizike midis serbëve dhe shqiptarëve. Megjithatë, kjo është mënyra më e mirë për të mbrojtur sigurinë e serbëve që jetojnë në Kosovë. Ne kemi nevojë për të rifilluar procesin tonë të dialogut me këdo që pala shqiptare do të zgjedhë si përfaqësuesin e tyre. Duhet të vazhdojë. Përndryshe, çfarë mund të ndodhë? Cili do të ishte perspektiva e një rajoni të tërë," tha Vuçiç kur u pyet për aktakuzën.
I pyetur nëse do të takohej me Thaçin, nëse do të ishte i përfshirë në bisedime, Vuçiç tha: "Nuk më takon mua. Unë mund të them se nuk do të flas me dikë që është i akuzuar për krime lufte, por është pala shqiptare që do të zgjedhë përfaqësuesin e tyre."
Bisedimet e mbështetura nga BE synojnë të arrijnë një zgjidhje të përhershme midis dy palëve, më shumë se dy dekada pas përfundimit të luftës në Kosovë 1998-1999.
Lufta arriti kulmin në një fushatë të bombardimeve të NATO-s, për të ndaluar shtypjen serbe ndaj shqiptarëve etnikë, që i dha fund sundimit të Beogradit mbi Kosovën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
