Ministrja e Shëndetësisë dhe Mirqënies Sociale, Ogerta Manastirliu ka bërë të ditur se në tre muajt e parë të këtij viti kanë ardhur në jetë 9,610 fëmijë të cilët kanë marr edhe bonusin e bebes, financim i qeverisë për të gjithë fëmijët shqiptar të lindur brenda dhe jashtë vendit.
Ogerta Manastirliu ka bërë me dije se janë mbi 80 mijë fëmijë që kanë përfituar nga programi universal i bonusit të bebes.
“9,610 fëmijë të lindur nga Janari kanë përfituar bonusin e bebes mbështetjen direkte të Qeverisë, përmes Programit të Mbrojtjes Sociale.
Që nga viti 2019 kur nisi ky program universal, 81,793 fëmijë që kanë gëzuar familjet e tyre kanë marrë shpërblimin financiar: 40,000 lekë; 80,000 lekë; 120,000 lekë”, shkruan Manastirliu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
