Sipas një projektligji të propozuar nga qeveria, drejtuesit e makinave do të gjobiten me 500 mijë lekë gjobë automatikisht sapo u kalon afati i siguracionit të makinës me një muaj. Ky propozim kritikohet nga Konfindustria, që bën thirrje mos të miratohet pasi rëndon mbi xhepat e qytetarëve dhe bizneseve.
“Shqetësuese që këto projektligje kalojnë pa asnjë debat publik dhe pikërisht në fundin e legjislaturës dhe kulmin e fushatës zgjedhore të 25 prillit. Konfindustria vlerëson, se në parim është krejt e papranueshme, që tejkalimi i afatit 30 ditor të sigurimit të penalizohet edhe në kushtet kur automjetet nuk dalin në rrugë. Aq më shumë në kushtet e pandemisë së Covid 19 kur afate të tilla janë plotësisht të mundshme për tu tejkaluar nga qytetarët për arsye shëndetësore pa përmendur arsyet financiare”, thuhet ndër të tjerash në reagim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
