Kryetarja e Komitetit të Ekspertëve, Mira Rakacolli bëri të ditur se në Shqipëri ende nuk është i konfirmuar një rast me variantin e ri të Covid-19. Ajo tha se Komiteti i Ekspertëve ka vendosur që fluturimet me Britaninë të jenë të pezulluara.
“Në rritje të këtyre indikatorëve po vlerësohet edhe shfaqja e varianteve të transformuar të sars cov 2, por fatmirësisht situatë është e kontrolluar. Në takimin e sotëm u vendos që të vazhdojmë ndërprerjen e fluturimeve me Britaninë e Madhe deri në një moment të dytë”, tha Rakacolli.
Gjithashtu ajo u ndal dhe tek hapja e universiteteve. Rakacolli konfirmoi se janë në komunikim të vazhdueshëm me ministrinë e Arsimit dhe brenda kësaj jave do të ketë një vendim lidhur me mundësinë që të paktën provimet të zhvillohen në auditoret e universiteteve.
“Deri më tani situata vijon të jetë e kontrolluar dhe për këtë arsye është vendosur që universitetet po punojnë së bashku me Ministrinë e Arsimit për të vlerësuar diçka konkrete për këtë realizim dhe do të kemi maksimumi një vendim brenda kësaj jave”, shtoi ajo.
Në fund ajo i bëri thirrje qytetarëve që të zbatojnë me rigozitet mbajtjen e maskave respektimin deri në detaj të distancimit social dhe fizik, sepse sipas saj ajo të mbron nga të gjitha maskat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
